Сайт і сацсеткі Беларускай Рады культуры прызналі экстрэмісцкімі матэрыяламі
Сайт і сацсеткі Беларускай Рады культуры прызнаныя экстрэмісцкімі матэрыяламі і ўнесеныя ў Рэспубліканскі спіс. Адпаведнае рашэнне прыняў Партызанскі суд Мінска 31 жніўня 2022 года.
Як паведамляла Еўрарадыё, яшчэ два месяцы таму МУС прызнала Беларускую Раду культуры, а таксама яе сайт і сацсеткі "экстрэмісцкім фармаваннем".
Цяпер БРК стала "двойчы экстрэмісцкай".
БРК узнікла ўвосень 2020 года з ініцыятывы менеджара культуры Сяргея Будкіна. Яна ладзіць міжнародныя кампаніі пры падтрымцы Офіса Святланы Ціханоўскай, Народнага антыкрызіснага ўпраўлення, Каардынацыйнай Рады, а таксама іншых грамадскіх ініцыятыў і арганізацый.
