Самы высокі ў Еўропе гатэль пабудавалі над прорвай (фота)
Ён з'явіўся на схіле самай высокай гары Альпаў Манблане на вышыні 3835 метраў.
Высокатэхналагічны будынак, прызначаны пераважна для альпіністаў, літаральна лунае над прорвай. Ён толькі часткова стаіць на цвёрдай зямлі, абапіраецца на сталёвыя бэлькі, а часткова вісіць над цяснінай.
Як інфармуе сайт delfi.lv, праектавалі будынак інжынер з Жэневы Томас Бюхі і архітэктар Эрве Дэсімоз. Яны запэўніваюць, што ненадзейнасць канструкцыі — ілюзія, а насамрэч ён вельмі трывала замацаваны на скале.
Гатэль забяспечваецца пераважна сонечнай энергіяй і ветрагенератарамі, а ваду пастаяльцы атрымліваюць з расталага снегу.
