Павел Якубовіч адмовіўся ўзначаліць новую "Саўбелку"?
Новае выданне хочуць зрабіць беларускім аналагам "New York Times".
Нагадаем, што на базе дзяржаўных газет ствараецца новы холдынг. Гэта будзе штодзённае выданне прыкладна на сто старонак з асобнымі сшыткамі па палітыцы, эканоміцы, фінансах, культуры. Падрабязнасці аб'яднання пакуль не агучваюцца. Але ў кожным выпадку цэнтрам газетнага жыцця стане "Советская Белоруссия".
Між тым цяперашні галоўны рэдактар "СБ" Павел Якубовіч адмовіўся ўзначальваць новае выданне, паведамляе Радыё "Свабода". Ён, нібыта, спаслаўся на ўзрост і стан здароўя.
Сярод найбольш верагодных рэдактараў цяпер называюць міністра інфармацыі Алега Праляскоўскага і начальніка галоўнага ідэалагічнага ўпраўлення Адміністрацыі прэзідэнта Усевалада Янчэўскага.
Фота — mediakritika.by
