Партыя "Справядлівы свет" пройдзе парламенцкія выбары да канца
Беларуская партыя левых "Справядлівы свет" рыхтуецца прыняць удзел у выбарах у Палату прадстаўнікоў на ўсіх этапах.
Па словах старшыні партыі Сяргея Калякіна, якіе перадае БелаПАН, партыйцы лічаць неабходным даць выбарцам і чальцам выбарчых камісій альтэрнатыву на выбарах.
Калякін прызнаў, што ў краіне няма ўмоваў для правядзення свабодных, справядлівых раўнапраўных выбараў. Але, кажа ён, падчас выбарчых кампаній людзі актывізуюцца, з'яўляюцца дадатковыя магчымасці ў палітычных суб'ектаў для заяваў пра сваю пазіцыю. Ён лічыць, што дэмакратычным кандыдатам не варта здымацца з выбарчай дыстанцыі, але тлумачыць выбарцам, што іх голас усё адно скрадуць.