Нямеччына, Францыя і Польшча пагражаюць Мінску новымі санкцыямі
Такую заяву зрабілі міністры замежных справаў гэтых трох дзяржаваў Еўрасаюза.
29 лютага ў Берліне яны спаткаліся на паседжанні форума "Веймарскі трохкутнік". Гэта трохбаковы палітычны інстытут, заснаваны Берлінам, Парыжам і Варшавай два дзесяцігоддзі таму для правядзення палітычных кансультацый.
Міністры Нямеччыны, Францыі ды Польшчы запатрабавалі вызваліць усіх беларускіх палітвязняў і правесці дэмакратычныя рэформы, перадае ІТАР-ТАСС. У адваротным выпадку кіраўнікі МЗС абяцаюць увесці дадатковыя санкцыі супраць Мінску.