Незалежную газету “УзГорак” адмовіліся прадаваць у краме “БелМаркет”
Як патлумачылі рэдактарцы горацкай газеты Галіне Буднай, скасаваць дамову вырашылі ў цэнтральным офісе кампаніі ў Мінску.
Дагэтуль цягам некалькіх месяцаў выданне паспяхова прадавалася ў вышэйузгаданай краме.
Нагадаем, што "УзГорак" — абласная агульнапалітычная газета. Яна распаўсюджваецца ў Горацкім, Дрыбінскім і Мсціслаўскім раёнах Магілёўшчыны. Яе можна набыць у шапіках “Белсаюздрука”, горацкіх крамах “Перекресток” і “Фея”.
Рэдакцыя газеты звяртаецца да чытачоў з просьбай праявіць салідарнасць і аформіць падпіску на газету.