Матэа Мекачы: Выбары — калі людзі свабодна выказваюцца. Гэтага мы не бачылі

Спецыяльны каардынатар кароткатэрміновай місіі назірання за
выбарамі АБСЕ Матэа Мекачы
канчатковай ацэнкі парламенцкім выбарам у Беларусі
пакуль не даў. Але папярэднія высновы зрабіў.

Матэа Мекачы: “Выбары ― гэта калі людзі могуць свабодна
прамаўляць і арганізоўвацца. Мы гэтага не бачылі ў гэтай кампаніі. Прававая
база не гарантуе таго, што выбары будуць праведзеныя ў адпаведнасці з
абавязальніцтвамі АБСЕ. Былі праблемы з адвольнасцю праверкі подпісаў, а
таксама не хапала нейтральнасці ў арганізацыі выбараў. Больш за 96% месцаў у
камісіях займалі лаяльныя да ўраду грамадскія арганізацыі і партыі”.

Асаблівую ўвагу прадстаўнік АБСЕ звярнуў на немагчымасць
удзельнічаць у выбарах вядомых па прэзідэнцкіх выбарах палітыкаў.

Матэа Мекачы: “Вядомыя палітычныя дзеячы, якія маглі адыграць
ролю на гэтых выбарах, яны альбо знаходзіліся ў турме, альбо ім было адмоўлена
ў рэгістрацыі, альбо з-за судзімасці, альбо
з-за адвольных адміністрацыйных
дзеянняў. І з-за таго, што была такая абмежаваная канкурэнцыя, і выбар
выбаршчыкаў быў абмежаваны”.

Што тычыцца пазітыву, то Матэа Мекачы адзначыў тэледэбаты.
Але звярнуў увагу на тое, што яны былі не ў прамым эфіры, а ў запісы. І тое,
што частка з іх была адцэнзуравана, а частка — увогуле не выйшла ў эфір з-за
таго, што кандыдаты заклікалі да байкота выбараў.

У сваю чаргу кіраўнік дэлегацыі назірання за выбарамі АБСЕ/БДІПЧ Антоніа Мілашоскі заявіў, што не пабачыў, каб парламенцкія выбары ў Беларусі былі праведзеныя ў адпаведнасці са стандартамі АБСЕ.

Нагадаем, напярэдадні старшыня ЦВК Лідзія Ярмошына параіла назіральнікам АБСЕ ацэньваць беларускія выбары не толькі з пазіцыі “ведамаснай інструкцыі”

Новости других медиа
Загрузка...

Галоўнае

Выбар рэдакцыі