ЕС расказаў, як ставіцца да супрацы Украіны з Мытным саюзам
З адпаведнай заявай выступіў еўракамісар па пытаннях пашырэння і Еўрапейскай палітыкі суседства Штэфан Фюле.
Па яго словах, якія перадае interfax.by, Брусэль зацікаўлены ў добрых адносінах Кіева з Масквой. Чыноўнік адзначыў, што супрацоўніцтва Украіны з Мытным саюзам можа быць настолькі шырокім, наколькі гэта не супярэчыць ужо парафіраванай Дамове пра асацыяцыю Украіны з ЕС.
Кажучы пра Мытны саюз, Фюле звярнуў увагу на тое, што уваход у гэтую супольнасць адбірае ў дзяржавы суверэнітэт у сферы замежнагандлёвай палітыкі. Еўрасаюз не можа ўступіць у адносіны з Украінай, ведаючы, што рашэнне прымаецца кімсьці ў іншым месцы, адзначае еўракамісар.
Фота — zn.ua