Дзіянаў хоча ўнесці Гайдукевіча ў "чорны спіс" Еўрасаюза
Пра гэта лідар "Рэвалюцыі праз сацыяльныя сеткі" заявіў у сваім блогу на "Беларускім партызане".
Вячаслаў Дзіянаў хоча, каб імя Алега Гайдукевіча было ўнесенае ў "спіс неўязных" у Еўрасаюз. Грамадскі актывіст нагадвае, што цяперашні намеснік старшыні Ліберальна-дэмакратычнай партыі раней узначальваў Фрунзенскі РАУС сталіцы. Па словах Дзіянава, Гайдукевіч-малодшы камандаваў разгонамі "маўклівых акцый" улетку 2011 года.
Таму цяпер актывісты абвясцілі збор звестак па рэпрэсіях у Фрунзенскім РУУС пры Алегу Гайдукевічу.
Фота Гайдукевіча — svaboda.org
