Расійскі філосаф — пра долю беларускага таксіста і акно ў даху

Расійскі філосаф — пра долю беларускага таксіста і акно ў даху

Расійскі філосаф і сувядоўца праграмы "Ідэя Х" на Еўрарадыё Максім Гаруноў весела апісаў у Facebook паездку на таксі ў Мінску. Атрымаўся невялікі, але кранальны тэкст пра цяжкую долю беларускага таксіста і акно ў даху старэнькага "Пежо".

"Саджуся ў таксі, — піша Гаруноў. — Гэта стары "Пежо" з панарамным акном на даху.

— О, у вас акно на даху!

Таксіст сумна:

— Ну так...

Едзем пару хвілін у цішыні. Таксіст сумна, нібы паведамляе навіну аб раптоўнай смерці кагосьці:

— Гэта жонка выбірала. Я нармальную машыну хацеў. Жонка ўбачыла дах і адразу "купі, будзем ноччу ездзіць за горад і глядзець на зоркі".

— З'ездзілі?

Яшчэ больш сумна.

— Якія зоркі ў Беларусі? Тут хмары заўсёды. За чатыры гады ні разу зорак не ўбачыў.

— Зусім ні разу?

Сумна маўчыць хвіліну.

— Ну, было раз. На возера з ёй ездзілі. Адны, без дзяцей. А так няма. Толькі хмары.

Зноў сумна маўчанне.

— А хмары летам? Аблокі летам прыгожыя.

— Хмары, так.

Сумна маўчым яшчэ хвілін пяць.

— Але летам часцей птушынае лайно бачу. Галубы нас..., а я з іх лайном над галавой езджу. Бывае, гляну праз акно на неба, а там галубінае лайно. Настрой сыходзіць.

Яшчэ пару хвілін едзем у сумнай цішыні.

— А цяпер у вас які настрой?

Асуджана паціскае плячыма і з паўзай:

— Бадзёры".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі