Расіянку, якая напісала пра Лукашэнку і "авіяпірацтва", дэпартавалі з Беларусі

Ірына Вікхольм была затрымана 28 траўня мінулага года, калі прыйшла на гутарку ў аддзел па грамадзянстве і міграцыі. У арандаванай ёй кватэры адбыўся ператрус, міліцыянеры забралі ноўтбук. Спачатку яе ўтрымлівалі ў ізалятары часовага ўтрымання, а пасля — у брэсцкім СІЗА. Падчас папярэдняга следства жанчына сваю віну не прызнала.

У верасні 2021 года беларускія праваабаронцы прызналі расіянку палітзняволенай. Неўзабаве пасля гэтага суд у Брэсце прысудзіў ёй паўтара года калоніі агульнага рэжыму за "паклёп" у дачыненні да Лукашэнкі.