Расія выдала дзяржкрэдыт неіснуючай дзяржаве — "Республика Белоруссия"
Пра гэта сведчыць дакумент, падпісаны старшынёй расійскага ўрада Дзмітрыем Мядзведзевым.
Ён размешчаны на афіцыйным інтэрнэт-партале прававой інфармацыі РФ.
Нагадаем, што паводле афіцыйнай нормы па-руску наша дзяржава называецца "Республика Беларусь". У такім выглядзе яна і мусіць фігураваць у дзяржаўнай дакументацыі.
Дарэчы, і сам Дзмітрый Мядзведзеў падчас сустрэчы з беларускімі журналістамі некалькі гадоў таму казаў, што называе нашу краіну толькі "Беларусь".
У інтэрнэце ўжо з'явіліся жарты, што Беларусь не павінна будзе вяртаць крэдыт, які атрымае "Белоруссия".
