Рашэнне пра новы аўтавакзал замест Маскоўскага яшчэ не прынялі
Новы аўтавакзал меўся б абслугоўваць прыгарадныя маршруты.
Пра гэта 7 траўня паведаміў дырэктар дзяржаўнай установы "Сталічны транспарт і сувязь" Валерый Шкуратаў, перадае БелаПАН.
Нагадаем, што з 1 красавіка зачынены аўтавакзал "Маскоўскі". Прыгарадныя маршруты, якія раней адпраўляліся з яго, цяпер ідуць з дыспетчарскіх станцыяў "Карастаянавай" і "Славінскага".
Па словах Шкуратава, на маскоўскім напрамку неабходна будаваць новы аўтавакзал плошчай 0,8 га. Ён адзначыў, што ёсць горадабудаўнічае рашэнне пра такое будаўніцтва каля станцыі метро "Барысаўскі тракт", але канчатковае рашэнне яшчэ не прынятае.
Фота — strani.ru
