Палітзняволеную Вольгу Маёраву змясцілі ў карцар
Грамадская актывістка Вольга Маёрава / фота з сацсетак
Палітзняволеную Вольгу Маёраву перавялі ў карцар, паведамляе "Белсат". Пра гэта стала вядома ў аўторак, калі адміністрацыя гродзенскай турмы адмовілася прымаць для яе перадачу.
Грамадскую актывістку затрымалі ў пачатку студзені па так званай "справе Мікалая Аўтуховіча". Міліцыя прыехала да яе дадому ў вёску Нача Крупскага раёна, правяла ператрус, забрала тэхніку.
Праваабаронцам невядома, у чым канкрэтна падазраюць ці абвінавачваюць Маёраву. У сярэдзіне лютага КДБ уключыў яе, а таксама яшчэ 16 чалавек у спіс арганізацый і фізічных асоб, якія маюць дачыненне да тэрарыстычнай дзейнасці.
У мінулым снежні на БТ выйшаў рэпартаж пра "групу Аўтуховіча". У ім гаварылася ,што "група" можа быць датычная да падпалу дома міліцыянта ў Ваўкавыску і выбуху аўтамабіля супрацоўніка міліцыі ў Гродне.
