Нехта шантажуе Ярмошыну: заплаціце $25 000, інакш сальём кампрамат на Лукашэнку

Нехта шантажуе Ярмошыну: заплаціце $25 000, інакш сальём кампрамат на Лукашэнку

На пасяджэнні ЦВК 4 чэрвеня Лідзія Ярмошына распавяла, што невядомыя асобы шантажуюць яе кампраматам на Аляксандра Лукашэнку.

"Я ўжо двойчы атрымала шантажную цыдулку. Спачатку мне прапанавалі заплаціць $12 тысяч, цяпер стаўка вырасла да $25 тысяч. У іншым выпадку размесцяць фэйкавыя звесткі, якія ганьбяць вашу групу і вашага кандыдата", — сказала яна, звяртаючыся да Міхаіла Орды, кіраўніка ініцыятыўнай групы Аляксандна Лукашэнкі.

"Гэта людзі, у якіх не ўсё нармальна з сумленнем і прыстойнасцю", — адгукнуўся Орда.

"І з розумам", — дадала Ярмошына.

Раніцай 4 чэрвеня Цэнтрвыбаркам сабраўся, каб разглядзець працоўныя пытанні. Сярод іх скарга вылучэнца ў прэзідэнты Віктара Бабарыкі на тое, як збірае подпісы ініцыятыўная група дзеючага кіраўніка дзяржавы Аляксандра Лукашэнкі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі