На пажары ў Любані работнікі МНС выратавалі дваіх і эвакуявалі 15 чалавек

На пажары ў Любані работнікі МНС выратавалі дваіх і эвакуявалі 15 чалавек

14 верасня каля 16-й гадзіны ратавальнікі з Любані атрымалі інфармацыю пра пажар у кватэры шматпавярхоўкі на вуліцы Першамайскай, перадае прэс-служба МНС

Прыбыўшы на месца выкліку, супрацоўнікі МНС пабачылі дым з акна гаўбца кватэры на пятым паверсе. Яны выратавалі 31-гадовага гаспадара кватэры і яго 42-гадовага стрыечнага брата. Іх абодвух шпіталізавалі ў раённую лякарню з папярэднім дыягназам "атручэнне прадуктамі гарэння". 

Таксама ратавальнікі эвакуявалі 15 жыхароў пад'езда, якія пражываюць на ніжніх паверхах.

Пажар быў ліквідаваны менш чым за паўгадзіны. Агонь пашкодзіў маёмасць на кухні, у ваннай і калідоры.

Прычынай пажару хутчэй за ўсё стаў пакінуты без нагляду электракіпяцільнік.

Апошнія навіны

Галоўнае

Выбар рэдакцыі