МЗС Расіі пацвердзіў удар па порце Адэсы, праз які плануецца экспарт збожжа

Прадстаўніца МЗС РФ Марыя Захарава пацвердзіла ракетны ўдар па порце Адэсы. Па яе словах, стралялі па “ваеннаму катэры”.

Насамрэч дзве ракеты трапілі ў аб'екты інфраструктуры парта. Мінабароны РФ сітуацыю не каментавала, але там упэўнівалі Турцыю, што ўдар дакладна нанесла не Расія.

Порт Адэсы — адзін з трох, праз якія плануецца аднавіць экспарт украінскага збожжа. Адпаведнае пагадненне было падпісанае ў пятніцу, гарантамі выступаюць Турцыя і ААН.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.