На Мазырскім НПЗ грузавік пратараніў аўтобус з рабочымі

Прэс-служба Міністэрства ўнутраных спраў паведаміла падрабязнасці аўтааварыі на Мазырскім нафтаперапрацоўчым заводзе.

Паведамленне пра ДТЗ паступіла ад медыкаў 7 кастрычніка ў 8:35. Выявілася, што службовы аўтобус МАЗ, які перавозіць па тэрыторыі завода работнікаў прадпрыемства, рухаўся па галоўнай дарозе. У аўтобусе быў кіроўца і 12 пасажыраў.

Па другаснай дарозе ехаў грузавы аўтамабіль "Мэрсэдэс", які не саступіў дарогу службоваму аўтобусу. Пры сутыкненні аўтобус перакуліўся на бок. Аднаго з пасажыраў ад удару выкінула праз акно і прыціснула аўтобусам. Ён загінуў.

Па меддапамогу звярнулмся 11 чалавек. Кіроўцы аўтобуса і грузавіка пры ДТЗ не пацярпелі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.