Мінздароўя пацвердзіла заражэнне каранавірусам шасцікласніка з 212-й школы
Мінскі шасцікласнік са школы №212 сапраўды захварэў на каранавірус, заявілі прадстаўнікі Мінздароўя на брыфінгу 23 сакавіка.
Па словах медыкаў, хлопчык быў узяты пад кантроль як кантакт першага ўзроўню. Потым у яго пацвердзілася заражэнне каранавірусам.
Як паведамляла Еўрарадыё, звесткі пра каранавірусную інфекцыю ў шасцікласніка 212-й школы з'явіліся 19 сакавіка. Афіцыйнага пацвярджэння інфармацыі дагэтуль не было.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.