Мінздароўя: мужчына, які гарэў на плошчы Незалежнасці, — у непрытомным стане
Мужчына, пацярпелы на плошчы Незалежнасці, знаходзіцца ў непрытомным стане, паведамляе прэс-служба Мінздароўя.
З месца здарэння мужчынузабралі супрацоўнікі хуткай дапамогі. Пры першасным аглядзе ў яго дыягнаставалі больш за 50% апёкаў цела. Пацярпелага даставілі ў Рэспубліканскі апёкавы цэнтр.
Як распавядала Еўрарадыё, у Мінску на плошчы Незалежнасці каля Дома ўрада сёння гарэў чалавек. Агонь на ім збілі ахоўнікі Дома ўрада.
Паводле неафіцыйнай інфармацыі, гэта 35-гадовы мужчына, які ўчыніў самападпал.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
