Мінская міліцыя шукае мужчыну, які нападаў на жанчын у пад'ездах
Супрацоўнікі аддзела крымінальнага вышуку Фрунзенскага РУУС Мінска шукаюць мужчыну, якога падазраюць у гвалтоўных дзеяннях сэксуальнага характару ў дачыненні да дзвюх жанчын.
У абодвух выпадках невядомы мужчына нападаў на жанчын паміж паверхамі ў жылых дамах. Пры гэтым ён спрабаваў распрануць сваіх ахвяраў. Пры гэтым ніякіх пагроз і патрабаванняў на адрас жанчын ён не агучваў. Калі пацярпелыя сталі актыўна супраціўляцца, зламыснік уцякаў з месца нападу.
Прыкметы мужчыны: на выгляд 30 гадоў, рост 180 см, сярэдняга целаскладу, валасы кароткія цёмныя. Быў апрануты: куртка сіняга колеру да сцягна з капюшонам і жоўтай падшэўкай, сінія спартовыя штаны з надпісам "Reebok", чорная майка з малюнкам белага колеру на грудзях. Пры сабе меў пакет.
Праваахоўнікі просяць тых, хто пазнаў паказанага на фатаграфіі мужчыну альбо мае інфармацыю пра здарэнні, паведаміць па тэлефонах: 8 (017) 207-67-67, 8 (044) 751-09-98, 8 (029) 690-46-86 альбо 102.
