Мінабароны: ракетны комплекс С-300 трапіў у аварыю, але — з макетамі ракет

Мінабароны: ракетны комплекс С-300 трапіў у аварыю, але — з макетамі ракет

У Міністэрстве абароны пацвярджаюць, што ракетны комплекс С-300 трапіў у ДТЗ. Аднак гавораць, што на ім былі макеты, а не баявыя ракеты.

Інфармацыю пра здарэнне "Нашай Ніве" пацвердзіла афіцыйная прадстаўнік Мінабароны Наталля Гаўрусік. Па яе словах, ДТЗ адбылося пад Полацкам. 

"Калона баявой тэхнікі адной з часцей Полацкага гарнізона рухалася ў пункт сталай дыслакацыі пасля выканання вучэбна-баявых задач. Адзін з кіроўцаў, вайсковец тэрміновай службы, не даў рады кіраванню і з'ехаў з дарогі, кіруючы комплексам С-300 з макетамі ракет. Хуткасць была невялікай — 30 км/гадз., таму ніхто не пацярпеў, калі не ўлічваць нумарны знак", — распавяла падрабязнасці Гаўрусік. 

Кіроўца патлумачыў, што не справіўся з тэхнікай на павароце, дадае Гаўрусік. 

Па яго звестках, ДТЗ адбылося каля Глыбокага і на тэхніцы стаялі баявыя ракеты. 

Апошнія навіны

Галоўнае

Выбар рэдакцыі