Мінабароны Беларусі пачало праверку баявой гатоўнасці в/ч у Мачулішчах

На аэрадроме ў Мачулішчах / З архіву БЕЛТА
На аэрадроме ў Мачулішчах / З архіву БЕЛТА

28 верасня Мінабароны Беларусі пачало "раптоўную праверку баявой і мабілізацыйнай гатоўнасці" в/ч 06752 у Мачулішчах пад Мінскам. Адзначаецца, што гэта адбываецца ў адпаведнасці з планам падрыхтоўкі Ваенна-паветраных сіл і войск супрацьпаветранай абароны.

Прэс-служба ведамства паведамляе, што "падчас праверкі будуць адпрацоўвацца шэраг пытанняў, асноўнымі з якіх стануць прызыў і аднаўленне навыкаў ваеннаабавязаных, зняцце з захоўвання ваеннай і спецыяльнай тэхнікі з мэтай праверкі яе боегатоўнасці".

Мачулішчы — гарадскі пасёлак у Мінскім раёне. Там знаходзіцца ваенны аэрадром (у 12 км ад сталіцы).

Праверка адбываецца на фоне вайны ва Украіне.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі