Магілёвец зняў відэа: машына ДАІ едзе на чырвоны сігнал двух святлафораў (відэа)
Машына ДАІ ў Магілёве трапіла на відэарэгістратар падчас праезду на чырвоны сігнал святлафора. Прычым кіроўца ДАІ праехаў на забараняльны сігнал праз два пешаходныя пераходы, піша mogilev.online.
Мяркуючы па ўсім, экіпаж ДАІ нікуды не спяшаўся, бо ехаў без уключаных пробліскавых маячкоў. Кіроўца ўключыў іх толькі падчас перасячэння першага пераходу. Праязджаючы другі, ён палічыў непатрэбным уключаць іх.
