Лукашэнка расказаў, як Пуцін захапляўся дагледжанасцю Магілёўшчыны
Аляксандр Лукашэнка распавёў, што падчас Рэгіянальнага форуму ў Магілёве, калі яны з Пуціным ляталі над Магілёўшчынай, той з захапленнем глядзеў на дагледжанасць мясцовых зямель:
"Вось з Пуціным ляцім на верталёце. Ён усё глядзіць-глядзіць. "Чаго ты там глядзіш? Магілёў жа — не Гродна". Кажа: "У цябе так усё дагледжана". А я яму кажу: "Ты ведаеш, калі ў цябе быў…” Гэта было, напэўна, гадоў 10 таму. Мы з ім падняліся на верталёце з Нова-Агарова і паляцелі ў Завідава. Страшна было глядзець: палацы, палацы, палацы. Лес высечаны, і вакол заселена. І ён кажа: "Не ведаю, што рабіць". Я яму нагадаў гэтую размову".
