Лукашэнка: настаў час укласці ў бізнес тыя запасы, якія ёсць
3 красавіка падчас паездкі ў Смалявіцкі раён Аляксандр Лукашэнка заявіў, што даручыў падрыхтаваць прапановы аб падтрымцы бізнесу ў крызіснай сітуацыі, выкліканай распаўсюдам каранавіруса.
"Настаў час раскрыць скарбонку, укласці ў бізнес тыя запасы, якія ёсць, — цытуе словы Лукашэнкі яго прэс-служба. — Падтрымаем тых, хто хоча, каб яго падтрымалі, і другое — хто ўкладзецца сам".
Кіраўнік дзяржавы падкрэсліў, што ў цяперашняй сітуацыі "трэба варушыцца ўсім". Паводле яго слоў, падтрымлівацца будуць тыя сектары бізнесу, якія ў гэтым маюць патрэбу.
"Наша справа працаваць, — гаварыў Аляксандр Лукашэнка. — Пройдзе крыху часу, і людзі ацэняць і зразумеюць, хто чаго варты. Мы ніякі бізнес не закрывалі".
Прэм'ер-міністр Сяргей Румас заяўляў, што рыхтуюцца прапановы Лукашэнку па падтрымцы прадпрыемстваў і бізнесу яшчэ ў сакавіку.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
