Вы тут

Літоўскія мытнікі тыдзень лічылі кантрабандныя цыгарэты ў цягніку з Беларусі

Кантрабанда / facebook.com/Muitineskriminalinetarnyba

Супрацоўнікі Віленскай тэрытарыяльнай мытні тыдзень лічылі кантрабандныя цыгарэты ў цягніку з Беларусі. Агульны кошт грузу ў выніку склаў каля 700 тысяч еўра. Як паведамляе Мытная крымінальная служба, у цягніку ў адным з вагонаў быў груз драўляных гранул у папяровых пакетах. У пошуку кантрабандных цыгарэт, літоўцам давялося іх ускрываць. І толькі днямі гэтая праца скончылася.

Агулам сярод гранул было выяўлена 195500 пачкаў цыгарэт "Minsk capital MS" з беларускімі акцызнымі маркамі.

Літоўскія мытнікі рэгулярна знаходзяць кантрабандныя цыгарэты ў грузавых цягніках з Беларусі, выкарыстоўваюцца грузы, якія не трапілі пад санкцыі. Кантрабанду затрымлівалі і ў грузавіках.

Гэты і наступныя здымкі — facebook.com/Muitineskriminalinetarnyba

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.