Кіроўца аўтобуса памёр за рулём, але паспеў выратаваць пасажыраў
Здарэнне адбылося каля вёскі Прудок Мазырскага раёна Гомельшчыны.
Як паведамляе БЕЛТА, кіроўцу рэйсавага аўтобуса нечакана стала кепска, але ён паспеў з'ехаць з дарогі і затармазіць. Ніхто з пасажыраў не пацярпеў. Яны спрабавалі аказаць дапамогу 60-гадоваму шафёру, аднак выратаваць яго не ўдалося.
Папярэдняя прычына смерці — спыненне сэрца. Мазырскі райаддзел Следчага камітэта праводзіць праверку па гэтым факце.
Фота — onliner.by
