Кандыдат у дэпутаты запрашаў на сустрэчу — яго затрымалі
Здарэнне адбылося 21 сакавіка ў Мінску каля ўваходу на станцыю метро "Трактарны завод".
Кандыдат у дэпутаты ад Аб'яднанай грамадзянскай партыі Антон Жылко разам са сваёй даверанай асобай Ганнай Канапацкай раздаваў запрашэнні на сустрэчу з выбаршчыкамі. Яна мусіць адбыцца сёння ўвечары ў 87-й сярэдняй школе.
Аднак, як паведамляе прэс-служба АГП, двое людзей у цывільным затрымалі Антона Жылко, на тэлефанаванні ён не адказваў. Высветлілася, што ён знаходзіцца ў Партызанскім РУУС, "ідзе разбіральніцтва". Нягледзячы на гэта, сустрэча з выбаршчыкамі адбудзецца, у ёй возьмуць удзел такія вядомыя людзі, як былы кіраўнік Нацбанка Станіслаў Багданкевіч і экс-прэм'ер Міхаіл Чыгір.
Фота — ucpb.org