Хакеісты мінскага "Дынама" ў апошнім матчы сезона выйгралі ў "Ёкерыта" (відэа)

22 лютага хакеісты мінскага "Дынама" гулялі ў гасцях у фінскага "Ёкерыта". Матч закончыўся з лікам 5:3 на карысць гасцей (2:1, 1:2, 2:0). 

Зрэшты, вынік гульні ні на што ўжо не ўплываў: "Дынама" застаецца на перадапошнім месцы ў Заходняй канферэнцыі КХЛ, а "Ёкерыт" выходзіць у плэй-оф з чацвёртага месца. 

У "зуброў" забітымі шайбамі адзначыліся Патрык Уіркаш (3), Аляксей Цярэшчанка (17, 60), Куінтан Хаўдэн (27), Тэему Пулкінен (48).