Гандбольнага трэнера Канстанціна Якаўлева асудзілі на 15 сутак арышту

Гандбольнага трэнера Канстанціна Якаўлева асудзілі на 15 сутак арышту

Актывіста Свабоднага аб'яднання спартсменаў, галоўнага трэнера гандбольнага клуба "Віцязь" Канстанціна Якаўлева асудзілі на 15 сутак адміністрацыйнага арышту. Яго прызналі вінаватым у "парушэнні парадку арганізацыі ці правядзення масавых мерапрыемстваў", паведамляе тэлеграм-канал @zozhteam.

Якаўлева затрымалі 16 чэрвеня па дарозе з Баранавічаў у Мінск. Разам з сябрамі з Свабоднага аб'яднання спартсменаў ён ездзіў сустракаць журналіста "Трыбуны" Дзмітрыя Руто, які выйшаў на волю пасля 15 сутак арышту. Дома ў трэнера прайшоў "агляд", сілавікі забралі камп'ютары, тэлефоны, медалі з выявай "Пагоні" і г. д. Канстанціна Якаўлева прывезлі туды ў кайданках. На вечар серады ў яго была прызначана адкрытая трэніроўка ў Новай Баравой. Такім чынам яе сарвалі.

17 чэрвеня Якаўлева пачалі судзіць у будынку ізалятара часовага ўтрыманьня Мінскага раёна ў закрытым рэжыме. Адміністрацыйную справу адпраўлялі на дапрацоўку. Суддзя спачатку вырашыў адпусціць трэнера да пятніцы, але пасля перадумаў і пакінуў за кратамі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі