Фотафакт: Лукашэнка атрымаў новыя школьныя падручнікі па гісторыі Беларусі
Іх кіраўніку дзяржавы прынёс міністр адукацыі.
Аляксандр Лукашэнка атрымаў новыя школьныя падручнікі па гісторыі Беларусі. Іх кіраўніку дзяржавы прынёс міністр адукацыі Міхаіл Жураўкоў. У аўторак Лукашэнка выслухаў даклад пра ход прыёмнай кампаніі і падрыхтоўку сістэмы адукацыі да новага навучальнага года. Ён адзначыў, што адна з важнейшых задачаў — беларускім школьнікам "трэба даць нармальныя падручнікі, перш за ўсё падручнікі гісторыі ў школы, каб дзеці разумелі, што адбывалася ўчора ў нашай краіне".
На відэа з сустрэчы відаць, што Жураўкоў перадаў Лукашэнку, як мінімум, тры падручнікі. Сярод іх — "Гісторыя Беларусі са старажытных часоў да канца XV ст. Частка 1" (6 клас). На яе вокладцы — крыж Еўфрасінні Полацкай. Кніга існуе ў адзінкавым асобніку. Лукашэнка паабяцаў яе прачытаць, інфармуе тэлеканал АНТ.
Лукашэнка: Каб плаціць настаўніку прыстойны заробак, яго трэба нагрузіць
Лукашэнка супраць рэформаў у адукацыі: Трэба даць нармальныя падручнікі школам