Вы тут

Фільм пра беларускія пратэсты ўвайшоў у лонг-ліст расійскай кінапрэміі "Ніка"

Кадр з фільма "Minsk"

У 11 намінацыях Нацыянальнай кінематаграфічнай прэміі Расіі "Ніка" заяўлены мастацкі фільм "Minsk", які распавядае пра беларускія пратэсты, піша reform.by.
 
Аўтарам сцэнарыя і рэжысёрам расійска-эстонскай карціны стаў Барыс Гуц. Здымкі фільма адбываліся ў Эстоніі. Паводле сюжэту, маладая пара уначы выходзіць з дома і аказваецца ў гушчы мірных пратэстаў пасля выбараў 2020 года.

Рэжысёр падкрэслівае, што карціна знятая адным кадрам, без мантажных склеек. 

За перамогу стужка будзе змагацца з 46 іншымі канкурэнтамі. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.