Эстонская паліцыя 14 гадоў шукала скрадзены ровар. І знайшла!

Эстонскія паліцэйскія вярнулі жанчыне ровар, скрадзены ў яе 14 гадоў таму. Пра гэта паведамляе Лыўнаская (Паўднёвая) прэфектура паліцыі Эстоніі.

У 2003 годзе ровар скралі з балкона шматкватэрнага дома ў горадзе Тырва.

"Пасля выкрадання ровара яго ўладальніца звярнулася ў паліцыю і паведаміла нумар яго рамы. Тады ровар знайсці не атрымалася, але сёлета яго такі знайшлі — у горадзе Валга [30 км ад Тырвы. — Еўрарадыё]. Паліцыя паведаміла пра гэта ўладальніцы, якая была вельмi здзiўлена вяртаннем ровара", — гаворыцца ў паведамленні.

Сям'я ўжо мела намер набыць іншы ровар і ўпершыню за доўгі час абмяркоўвала прапажу 14-гадовай даўніны. 

Паліцыя раіць уладальнікам ровараў захоўваць усе дакументы і сфатаграфаваць раму. Тады ў выпадку, калі ровар скрадуць, а пасля знойдуць, яго можна будзе тэрмінова варнуць уладальніку.

Сацсеткі адразу пачалі кпіць з эстонцаў:

Але мы скажам так: лепш позна, чым ніколі!