Дэмакраты звярнуліся да міжнародных структураў у справе зніклых людзей
Палітрада Аб’яднаных дэмакратычных сілаў запатрабавала аб’ектыўнага расследавання ў Беларусі па фактах гвалтоўнага знікнення людзей.
Нагадаем, 57 дзяржаваў свету сёлета падпісалі Міжнародную канвенцыю для абароны ўсіх асобаў ад гвалтоўных знікненняў, ухваленую Генеральнай асамблеяй ААН. Але Беларусь яе праігнаравала.
У заяве Палітрады АДС адзначаецца, што бяздзейнасцю ў расследаванні знікненняў апанентаў рэжыму Юрыя Захаранкі, Віктара Ганчара, Анатоля Красоўскага і Змітра Завадскага “цяперашні ўрад дыскрэдытуе народ Беларусі ў вачах усёй сусветнай супольнасці”.
Дэмакраты заклікалі Рабочую групу ААН па гвалтоўных і знікненнях і іншыя міжнародныя структуры трымаць пад кантролем справы аб знікненнях у Беларусі, ды нагадваць беларускаму ўраду пра неабходнасць выканання сваіх абавязацельстваў у галіне правоў чалавека.
Нагадаем, што 30 жніўня адзначаецца Міжнародны дзень зніклых людзей.
БелаПАН
Нагадаем, 57 дзяржаваў свету сёлета падпісалі Міжнародную канвенцыю для абароны ўсіх асобаў ад гвалтоўных знікненняў, ухваленую Генеральнай асамблеяй ААН. Але Беларусь яе праігнаравала.
У заяве Палітрады АДС адзначаецца, што бяздзейнасцю ў расследаванні знікненняў апанентаў рэжыму Юрыя Захаранкі, Віктара Ганчара, Анатоля Красоўскага і Змітра Завадскага “цяперашні ўрад дыскрэдытуе народ Беларусі ў вачах усёй сусветнай супольнасці”.
Дэмакраты заклікалі Рабочую групу ААН па гвалтоўных і знікненнях і іншыя міжнародныя структуры трымаць пад кантролем справы аб знікненнях у Беларусі, ды нагадваць беларускаму ўраду пра неабходнасць выканання сваіх абавязацельстваў у галіне правоў чалавека.
Нагадаем, што 30 жніўня адзначаецца Міжнародны дзень зніклых людзей.
БелаПАН
