Ціханоўская ўвайшла ў спіс людзей года па версіі брытанскай газеты The Times
Святлана Ціханоўская / The Times
Святлана Ціханоўская ўвайшла ў спіс людзей года па версіі брытанскай газеты The Times. Яе намінаваў Дэніэл Фінкельштэйн, сябра Палаты лордаў, палітычны калумніст і былы выканаўчы рэдактар выдання.
“Муж Святланы Ціханоўскай, палітычны дысідэнт, патрапіў у турму, і яна балатавалася ў прэзідэнты. Вымушаная бегчы за мяжу пасля выбараў, але яна не адмовілася ад барацьбы за дэмакратыю”, — піша Фінкельштэйн.
Ён назваў Ціханаўскую сімвалам супраціву тыраніі і ў прыватнасці аўтакратыям, якія спансіруе або абараняе Уладзімір Пуцін.
