Беларускі кіроўца фуры трапіў ў аварыю у Польшчы: ад удару зляцела кабіна
Каля польскай Лодзі 10 траўня адбылася аўтааварыя з удзелам дзвюх фураў, прычым адна з іх — беларуская.
Паводле інфармацыі Еўрарадыё, беларускі кіроўца спыніўся, бо наперадзе быў рамонт дарогі. Ён уключыў аварыйныя сігналы, але ў гэты момант ззаду ўрэзалася польская фура. Удар пры сутыкненні быў настолькі моцны, што кабіну польскай фуры ўплішчыла ў прычэп, а ў беларускай — кабіна звалілася на зямлю.
Як пішуць польскія СМІ, на ДТЗ выехалі шэсць машын ратавальнікаў, хуткая, аўтамабіль дарожнай службы і верталёт з медыкамі. Польскага кіроўцу верталётам даставілі ў шпіталь.
У выніку ДТЗ траса ў напрамку Варшавы была цалкам заблакаваная на працягу 10 гадзінаў.