Беларуская чыгунка сёння ўводзіць новы графік руху пасажырскіх цягнікоў

З 13 снежня Беларуская чыгунка ўводзіць новы графік руху пасажырскіх цягнікоў. У міжнародным спалучэнні прадугледжана пастаяннае курсіраванне 30 пар цягнікоў фармавання БЧ. Як вынікае з новага графіку, з'явяцца новыя цягнікі — Баранавічы —Херсон і Гродна — Вільня. Будзе часцей курсіраваць цягнік Гомель — Санкт-Пецярбург, ён стаў штодзённым.

З сённяшняга дня пачнуць штодня (дагэтуль — 2 разы на тыдзень) адпраўляцца з Мінска ў Варшаву 2 бесперасадачныя вагоны. Іх будуць прычапляць да цягніка Масква — Варшава. Больш падрабязна пра гэта гл. тут.

Упершыню ў новым графіку ўзгоднены дадатковы бесперасадачны вагон Мінск — Бар. Ён звяжа Беларусь з Чарнагорыяй, у летні перыяд будзе курсіраваць 1 раз на тыдзень. Больш падрабязна пра гэтыя і іншыя змены ў руху цягнікоў гл. на сайце Беларускай чыгункі.

Фота: БЕЛТА