Барысаўскі завод паслаў у Сірыю "гуманітарку" — гімнастычныя абручы
Барысаўскі завод пластмасавых вырабаў перад Новым годам паўдзельнічаў у адпраўцы гуманітарнага грузу ў Сірыю. Ад барысаўскага прадпрыемства ў Латакію адправіліся... гімнастычныя абручы.
"Мы ганарымся прадстаўленай нам магчымасцю і спадзяемся прыняць удзел у падобных праектах у будучыні", — гаворыцца на сайце завода.
Іншая "гуманітарка", адпраўленая з Беларусі ў Сірыю, выглядае больш традыцыйна: тэхніка, самазвалы, аўтобусы, прадукты харчавання, школьная мэбля.
