Авіязносіны паміж Беларуссю і РФ цалкам аднаўляюцца з 21 верасня

Расія здыме ўсе "пандэмійныя" абмежаванні на авіязносіны з Беларуссю з 21 верасня.

З аўторка двойчы ў дзень "Белавія" будзе выконваць рэйсы ў маскоўскія аэрапорты Дамадзедава і Шарамеццева, а таксама ў Санкт-Пецярбург. У наступныя дні колькасць рэйсаў у гэтыя і іншыя расійскія гарады вырасце яшчэ больш.

Як паведамляла Еўрарадыё, абмежаванні на палёты ўводзіліся з-за сітуацыі з COVID-19. Пра тое, што яны будуць знятыя, заявіў Уладзімір Пуцін падчас сустрэчы з Аляксандрам Лукашэнкам у верасні.

Да ўвядзення абмежаванняў за тыдзень паміж краінамі здзяйснялася больш за 200 рэйсаў, а пасля пачатку пандэміі — усяго 36.