Арганізатарку свята для дзяцей украінскіх бежанцаў арыштавалі на 7 сутак

7 сутак арышту атрымала гомельская актывістка Ала Караленка, якая дапамагала арганізаваць свята для дзяцей украінскіх уцекачоў. Па якім артыкуле судзілі жанчыну, невядома, паведамляе амрыканская радыёстанцыя, прызнаная ў Беларусі экстрэмісцкай.

Свята для ўкраінскіх дзяцей мелася прайсці 27 чэрвеня ў гомельскім парку, але міліцыя яго разагнала. Паводле афіцыйнай версіі, прычына ў тым, што арганізатары не падалі заяўку ў гарвыканкам. Свята правялі ў іншым месцы ў фармаце прыватнай сустрэчы. 

29 чэрвеня міліцыя затрымала Алу Караленка і адправіла ў Гомельскі ІЧУ. 

Таксама відавочцы мяркуюць, што пасля мерапрыемства маглі затрымаць яшчэ аднаго чалавека: ён не выходзіць на сувязь, а яго месцазнаходжанне невядома.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.