1000-гадовы шлем з Бабруйска атрымаў статус гісторыка-культурнай каштоўнасці

Шлем знайшлі ў красавіку 2019 года будаўнікі, якія паглыблялі дно Бярэзіны. Яго перадалі ў Бабруйскі краязнаўчы музей. Знаходку доўга рэстаўравалі ў Беларускім дзяржаўным музеі гісторыі Вялікай Айчыннай вайны, пасля чаго яна вярнулася ў Бабруйск.

Мяркуецца, што шлем быў выраблены ў Х — пачатку XI стагоддзя. У нашай краіне падобны прадмет знойдзены ўпершыню. Гісторык Ігар Марзалюк выказаў версію, што шлем мог належаць князю Ізяславу Полацкаму.