З'явіўся фільм пра бітву войска ВКЛ з казакамі Крычэўскага (відэа)
Гомельскія гісторыкі стварылі да 365-годдзя Лоеўскай бітвы 1649 года гісторыка-дакументальны фільм.
У ім у дэталях апісваецца адна з самых выбітных еўрапейскіх баталій таго часу. У фільме распавядаецца пра абставіны геапалітыкі, пра асобы Януша Радзівіла і Міхайла Станіслава Крычэўскага, пра хаду самой бітвы.
Як паведаміла Марыя Булавінская, адна з аўтараў фільма, 31 ліпеня а 19-й гадзіне ў Лоеве адбудзецца першая яго прэзентацыя. Перад яе пачаткам будзе арганізаванае наведванне месца бітвы, да памятнага крыжа ўскладуць кветкі.
