Жыхар Баранавічаў выкінуў з акна сабутэльніцу
Цяпер праваахоўнікі шукаюць арганізатара "п'яных палётаў".
Праваахоўнікі Баранавічаў пачалі крымінальную справу на мясцовага непрацуючага жыхара. Як перадае interfax.by, 51-гадовы мужчына выпіваў у сябе дома з 42-гадовай непрацуючай жанчынай. Каля трэцяй гадзіны ночы паміж імі пачалася сварка. Тады мужчына выштурхнуў сваю сабутэльніцу з акна кватэры.
На шчасце, пражываў ён толькі на другім паверсе пяціпавярховага дома. Пры падзенні жыхарка Баранавічаў атрымала пераломы костак рукі і нагі.
Сам хуліган уцёк. Здарэнне адбылося яшчэ 13 красавіка, але мужчыну дагэтуль шукаюць.
Фота — aif.ru
