Жураўкоў: Поўная замена падручнікаў на электронныя адбудзецца не хутка
Электронныя падручнікі ў беларускіх школах не хутка цалкам зоймуць месца сваіх друкаваных аналагаў. Такое меркаванне выказаў міністр адукацыі Міхаіл Жураўкоў у праграме "Галоўны эфір" на тэлеканале "Беларусь 1" увечары 28 жніўня.
Чыноўнік паведаміў, што ў Беларусі дзейнічае праект "Электронная школа". У яго рамках плануецца замена звычайных папяровых дзённікаў на электронныя. Па словах Жураўкова, Мінадукацыі хоча правесці поўную замену дзённікаў на электронныя, і ўжо цяпер ёсць цэлыя рэгіёны, уключаныя ў гэты праект.
Разам з тым, замена папяровых падручнікаў на электронныя пакуль што не плануецца. Калі яна і адбудзецца, то гэта будзе даволі не хутка, мяркуе міністр. Па яго словах, нават самі школьнікі кажуць, што прыемна ўзяць папяровы падручнік у рукі ды пагартаць яго.
