Затрыманні ў Мінску на Дзень Волі. Фотарэпартаж
Праваабаронцамі і журналістамі лічбы затрыманых называюцца розныя: ад 600 да 1000 чалавек.
25 сакавіка ў Мінску ўлады зрабілі ўсё, каб несанкцыянаваная вулічная акцыя на Дзень Волі не адбылася. Раён Акадэміі навук, дзе мусілі сабрацца людзі, быў заблакаваны міліцыяй, амапаўцамі. Пазней з'явіліся байцы ўнутраных войскаў са шчытамі. Затрыманні працягваліся некалькі гадзінаў у розных раёнах праспекта Незалежнасці. Перапоўненыя аўтазакі і аўтобусы развозілі людзей па пастарунках. Праваабаронцамі і журналістамі лічбы затрыманых называюцца розныя: ад 600 да 1000 чалавек.