Высокапастаўленага чыноўніка Місельгасхарчу звольнілі за "правіну"
Гаворка ідзе пра кіраўніка дэпартамента ветэрынарнага і харчовага нагляду Мінсельгасхарча Васіля Жукава.
Як паведамляе afn.by, Жукаў звольнены пастановай Саўміна №371 ад 18 красавіка. Звальненне тлумачыцца "здзяйсненнем правіны, несумяшчальнай са знаходжаннем на дзяржаўнай службе".
У Мінсельгасхарчы кажуць, што згаданая правіна не датычыць яго працы ў міністэрстве.
Раней Жукаў працаваў дырэктарам ААТ "Белэнэргазабеспкамплект". Следчы камітэт пачаў на яго крымінальную справу. Экс-кіраўніка прадпрыемства вінавацяць у перавышэнні службовых паўнамоцтваў.
Фота — voprosy.info
