Выбух у лонданскім гатэлі: пацярпела 14 чалавек (відэа)
Інцыдэнт адбыўся ў гатэлі Hyatt Regency Churchill, што ў цэнтры брытанскай сталіцы.
Мяркуецца, што ўзарваўся газ у сутарэнні. Выбух прывёў да частковага разбурэння будынку, для ацэнкі шкоды далучаныя інжынеры.
У момант інцыдэнту ў гатэлі знаходзілася каля 500 чалавек — усе яны эвакуяваныя. Пасля падліку выяўлена, што зніклых няма. Пяць пацярпелых, у тым ліку двое мужчын, якія атрымалі траўмы ног, трапілі ў лякарню. Астатнія пацярпелыя атрымалі дапамогу медыкаў на месцы, інфармуе ВВС.