Відэа ліквідацыі "незаконнага ўзброенага фармавання" на мяжы з Украінай

У Ельскім раёне Гомельскай вобласці завяршылася актыўная фаза камандна-штабнога вучэння з мясцовымі падраздзяленнямі тэрытарыяльнай абароны. У апошні дзень адпрацоўваліся практычныя дзеянні па ліквідацыі незаконнага ўзброенага фармавання каля мяжы з Украінай, на ўскраіне населенага пункта Роза Люксембург.

Як паведамляе "Белорусская военная газета", паводле легенды вучэнняў, мясцовыя жыхары раней прайшлі падрыхтоўку "на тэрыторыі суседняй краіны". Яны стварылі ўзброеную групу, уключылі ў яе сваіх знаёмых і сваякоў ды рыхтавалі прарыў на тэрыторыю Беларусі. Адбыўся напад на беларускіх памежнікаў, але зламыснікі атрымалі адпор. Пасля яны захапілі будынак пошты. У ліквідацыі баевікоў удзельнічалі памежнікі, тэрытарыяльныя войскі, байцы сілаў спецыяльных аперацый Узброеных Сілаў. Яны мелі падтрымку бронетэхнікі і невялікага лятальнага апарату, падобнага на верталёт.

Фота, відэа: vsr.mil.by