Верагоднасць, што вірус Эбола трапіць у Беларусь, "вельмі невысокая"
Пра гэта ў тэлеэфіры 19 кастрычніка заявіў галоўны санітарны лекар Ігар Гаеўскі.
"Эбола сапраўды небяспечная. Але там, дзе яна зараз распаўсюджваецца — у Заходняй Афрыцы. Верагоднасць траплення віруса Эбола ў Беларусь вельмі невысокая, і яна звязана менавіта з завозам гэтай праблемы", — перадае БелаПАН словы Гаеўскага.
На думку лекара, важныя ўмовы, каб прадухіліць завоз віруса на мяжы і не пусціць далей. У гэтым сэнсе, мяркуе Гаеўскі, нашая краіна гатовая.
Спецыяліст таксама ўпэўнены, што Эбола — гэта не біялагічная зброя і не камерцыйны праект. Захворванне развіваецца абсалютна ў рэальных умовах, мае свае прычыны.
